Lëndohen dy persona në një aksident trafiku në Klinë
Written by Mentor Hajrizi on 28 Korrik, 2023
Dy persona kanë mbetur të lënduar si pasojë e një aksidenti në trafik që ka ndodhur këtë të premte në rrugën “Sadik Rama” në Klinë.
Në këtë aksident janë përfshirë katër vetura, ka konfirmuar për Telegrafin zëdhënësi i Policisë së Kosovës për rajonin e Pejës, Driton Rugova.
“Sot rreth orës 11:35 policia është njoftuar për një aksident trafiku që ka ndodhur në rrugën ‘Sadik Rama’ në Klinë. Në aksident janë përfshirë katër vetura, ndërsa dy persona kanë pësuar lëndime trupore”, ka thënë Rugova.
Ai tutje ka bërë të ditur se personat e lënduar janë dërguar për trajtim mjekësor në Spitalin Rajonal të Pejës. /CFM/
