Arrestohet serbi që sulmonte gazetarët, Uros Vukasinovic

Në orët e hershme të mëngjesit është arrestuar sot edhe Uros Vukasinovic, një ekstremist tjetër serb që supozohet të jetë përfshirë në një rast sulmi ndaj mediave/gazetarëve. 

Më 16 qershor, sipas organeve të rendit dhe të ligjit, i njëjti dyshohet t’i ketë sulmuar gazetarët në veri të vendit, raporton Capital FM.

Njoftimi i plotë i Policisë së Kosovës:

Arrestimi i tij dhe shoqërimi në stacion policor është kryer si rezultat i hetimeve intensive dhe i sigurimit të dëshmive, se i njëjti është përfshirë në sulm ndaj mediave/gazetarëve me datë 16 qershor 2023. Të gjitha veprimet e mëtejme do të ndërmerren në bashkëpunim dhe koordinim me organet e drejtësisë. Angazhimi dhe përkushtimi i Policisë së Kosovës, do të vazhdojë për ruajtje të rendit dhe sigurisë publike, për sundim të ligjit dhe sjelljen para organeve të drejtësisë së personave të dyshuar që bien në kundërshtim me rendin dhe ligjin.

/Radio 92.1 Capital FM/