Junior Messias transferohet te Genoa, me vlerë totale tre milionë euro

Milani thuhet se ka rënë dakord për transferimin e Junior Messias te Genoa në një marrëveshje me vlerë totale prej tre milionë eurosh dhe ai sot (e premte) po kryen testet mjekësore.

Sulmuesi anësor nuk është pjesë e planeve të trajnerit Stefano Pioli për këtë sezon dhe gjithashtu ishte lidhur me një lëvizje shumë më fitimprurëse në Turqi te Besiktas ose në Arabinë Saudite.

Megjithatë, familja e tij është vendosur në Itali dhe ai nuk kishte ndërmend të largohej nga Serie A.

Torino ishte gjithashtu një opsion, por Milani i gjeti atij një destinacion të ri te Genoa e sapo promovuar dhe sot po zhvillohen teste mjekësore.

Sipas faqes MilanNews.it, kjo do të jetë një huazim me detyrim blerje në fund të sezonit për një tarifë totale prej rreth tre milionë eurosh.

Për shkak se kontrata aktuale e Messias zgjat vetëm deri në qershor të 2024, ai do të duhet së pari të nënshkruajë një zgjatje me kuqezinjtë dhe më pas të përfundojë huazimin.

Braziliani 32-vjeçar arriti në Serie A nga Crotone në vitin 2020 dhe një vit më vonë fitoi një transferim te Milani për një total prej 7.5 milionë euro.

Ai shënoi 12 gola dhe dha pesë asistime në 68 ndeshje konkurruese për Rossonerët. /CFM/