Mujka: Po shfrytëzohem për t’u baltosur puna e Qeverisë

Ish-nënkryetari i Mitrovicës së Jugut nga radhët e partisë në pushtet dhe, kryeshefi ekzekutiv i Bordit të Ndërmarrjes Hidroekonomike “Ibër-Lepenci”, Faruk Mujka, ka reaguar pas arrestimit të tij nën dyshimet për korrupsion.

Të njëjtit që iu gjeten rreth 60 mijë euro Gjykata para disa ditësh ka vendosur që të mbrohet në liri.

Mujka, përmes një shkrimi në llogarinë e tij në Facebok ka thënë se e gjithë kjo po bëhet që të “sulmohet dhe të baltoset” puna e Qeverisë dhe e kryeministri, Albin Kurti.

“Shfrytëzoj rastin që nga tellësia e zemrës të ju falemnderoj të gjithë juve që më mbështetët këto ditë, patët besim në mua, punën e aktivitetin tim politik e shoqërorë dhe që ishit afër familjes time në momentet e vështira që përjetuan pa fajin e tyre. Asnjëherë prej që jam pjesë e aktiviteteve politike nuk i kam ikur përgjegjësisë e drejtësisë dhe kjo do të vazhdoj derisa të frymoj.  Por gjithsesi asnjëherë nuk do të pranoj të jem pre e politikave ditore e partiake dhe që unë të shfrytëzohem për t’u sulmuar e baltosur puna dhe sukseset e Qeverisë në përgjithësi dhe posaqërisht Kryeministrit në veçanti”, ka shkruar Mujka në Facebook.

“Rruga që kemi marrur është e gjatë, tepër e vështirë me shumë sfida u kurthe, por fatmirësisht është evidente se po shihet caku. Shumë vetë do të ndihen të turpëruar por mbi të gjitha edhe të çliruar nga puna e lodhshme e shërbyesit të djallit”, ka përfunduar statusin e tij në Facebook, Faruk Mujka. /CFM/