Vdes mësuesja e shkollës “Xhemail Mustafa”, Trëndelina Berisha
Written by Mentor Hajrizi on 12 Qershor, 2023
Ka ndërruar jetë sot njëra nga mësueset më të dashura e më të dalluara të shkollës “Xhemail Mustafa” në Prishtinë, mësuesja Trëndelina Berisha.
Shkuarja në amshim e mësuese Trëndelinës tronditi thellë familjen, kolegët e shkollës, nxënësit dhe të gjithë ata që e kanë njohur.
Në njoftimin mortor të menaxhmentit të shkollës, mes të tjerash, për mësuesen tashmë të ndjerë, thuhet:
Mësuesja Trëndelinë dhe shumëdimensionaliteti i personalitetit të saj do të mbetet përgjithmonë simbol i shpërndarjes së dijes, pozitivitetit, punës, dashurisë, mirësjelljes e respektit ndër breza.
Në njoftim bëhet e ditur se nesër nga ora 10:00, më 13.06.2023, në Sallën e Kuqe të Pallatit të Rinisë në Prishtinë, shkolla do të organizojë Mbledhje Komemorative në nderim të mësueses dhe të kontributit të saj disavjeçar në arsimin shqip. /Radio 92.1 Capital FM/
