Sot ditë zie në Kosovë në nderim të policit Afrim Bunjaku
Written by Luljeta Krasniqi on 25 Shtator, 2023
Në nderim të policit Afrim Bunjaku, që u vra në orët e para të mëngjesit të së dielës në veri, presidentja Vjosa Osmani e ka shpallur të hënën ditë zie shtetërore.
“Presidentja e Republikës së Kosovës, Vjosa Osmani, në mbështetje të Kushtetutës së Kosovës, ka marrë vendim që dita e hënë, 25 shtator 2023, të shpallet ditë zie, shtetërore në nderim të policit Afrim Bunjaku, i vrarë në veri të vendit. Zija shtetërore do të jetë gjatë ditës së hënë, ndërkaq Protokolli i Shtetit ngarkohet që t`i ndërmarrë të gjitha veprimet e nevojshme për zbatimin e këtij vendimi”, thuhet në njoftimin nga Presidenca./CFM/
