Shaban Baksi

Ligjërues universiteti. Ka për pasion folklorin e trojeve shqiptare. Folklori ynë ka qenë shpesh tema më e trajtuar e tij në punën me studentët. Kjo temë edhe sot e asaj dite mbetet bosht në projektet e tij të kamotshme: në radiotelevizion, në institucione të tjera kulturore e artistike dhe në traditën shkrimore të tij. Misionin për kultivimin e folklorit shqiptar e vazhdon me të drejtë edhe në ditët e sotme, me të vetmin qëllim, pra, që brezat e rinj ta përcjellin këtë pasuri të madhe kombëtare që rrallëkush nga vendet e huaja e posedon. Së fundmi, ai është autor i emisionit “Folklori i trojeve shqiptare”. Ky emision radiofonik begatohet me informacion folklorik shqiptar dhe me argëtim përmes muzikës së mirëfilltë folklorike shqiptare.